Twitter Hackers #Anonymous wey support #EndSARS claim hacking all Nigeria goment official Twitter account

Hackers say dem don take over all Nigeria goment official Twitter account to support #EndSARS

Di hackers wey call demsef Anonymous on Friday hack di Twitter account of di National Broadcasting Commission wia dem post dia claim.

Twitter hackers #Anonymous

Dem do dis in support for di ongoing #EndSARS protests against police brutality for Nigeria, according to wetin BBC find out.

Protests dey don dey happun for more than a week across Nigeria to demand for police reforms and end to police brutality inside di west African kontri.

Di hackers collective Anonymous Wednesday night say dem don hack “multiple” Nigerian Goment websites as protests against police brutality continue. Di following day di Nigerian Police Force platform dey affected by hackers.

Twitter Hackers #Anonymous wey support #EndSARS

Earlier inside video wey appear online, di hackers group issue 72-hour deadline to di Federal Goment to grant di demand of di protesters.

Anonymous na popular decentralized global activist group wey dey popularly known for many cyberattacks against many goments, goment agencies, corporations, and di Church of Scientology.

Related posts

Leave a Comment